Velkomen til skulestart på Åsane vgs måndag 18.08.2025
Velkomen til nytt skuleår på Åsane vgs. De er alle ventet, og vi gler oss til å kunne starte opp eit nytt skuleår med stadig fleire klassar og elevar, deltakarar i vaksenopplæring og med lærlingar i opplæring.
For elevar i ordinær skule er første skuledag måndag 18.08.25. Dei enkelte programområda startar til ulike tider. Sjå eiga plan for frammøte. Det er viktig å møte presis.
NB! Elevar som ikkje møter første skuledag, vil miste sin skuleplass. Plassen blir då gitt vidare til andre som står på venteliste, jf. Inntaket til vidaregåande klart: Opprettar 24 nye klassar i Vestland - Vestland fylkeskommune. Er du sjuk første dag, ta kontakt med skulen og gjer avtale om nytt frammøtetidspunkt.
Første skuleveke vil vere noko spesiell. Vi skal bruke tid på å bli kjende med kvarandre, bli trygge på kvarandre og bli i stand til å finne fram på skulen. Vi skal også gjennomføre samtalar med den enkelte elev og føresett fredag 22. august. Sjå skjema for startsamtale som alle elevar fyller ut før samtalen gjennomførast. Det vil bli gitt informasjon på skulen om dette programmet.
For deg som ønskjer å vere elev på skulen, men som ikkje har fått tilbod om skuleplass her – Det er ikkje nødvendig å ta kontakt med skulen i det håp om at du skal få ein plass hos oss. Vi forheld oss til dei offisielle ventelistene og kun dei. Har vi ledig plass, så kontaktar vi dei som står på ventelista.
Deltakarar i vaksenopplæringa og i opplæring for lærlingar blir kontakta spesielt med tanke på oppstartstidspunkt og stad for oppmøte. Ordinær oppstart for desse vil vere veke 35.
Det vil bli gjennomført foreldremøte 22.09.25 kl. 18.00-21.00. Første time vil vere felles. Deretter går det klassevis.
Sjå eigen oversikt over frammøtetidspunkt her.
Plan for vg1 første skuleveke
Plan for vg2 og vg3/vg4 første skuleveke